Имәнкискәдән Кәүсәрия һәм Гөлчәчәк Гаяновалар массакүләм мәгълүмат чараларының “Россия патриоты“ XIV Бөтенроссия конкурсында “Яшь Россия“ номинациясендә өченче урын алдылар.

Эксперт комиссиясе  хөкеменә Россия Федерациясенең 69 субъектыннан 1500 журналист эше килгән. Беренче тапкыр АКШ һәм Германиядән эшләр тәкъдим ителгән.

Имәнкискә урта мәктәбенең якташларыбыз жюри хөкеменә тапшырган http.//090545.ucoz.ru. “Хәтерлибез. Яратабыз. Кайгырабыз“ китапханә сайты мәктәп укучылары һәм укытучылар өчен эшләнгән. Анда Бөек Ватан сугышы турында материаллар комплексы тәкъдим ителгән.

Конкурста җиңүчеләрне бүләкләү 2015 елның 30 июнендә Түбән Новгородта булачак. Тантанада Түбән Новгород өлкәсе губернаторы Валерий Шанцев белән басма һәм массакүләм коммуникацияләр буенча федераль агентлык җитәкчесе Михаил Сеславинский катнашачак.